កម្ពុជានាំចេញទំនិញទៅកាន់ប្រទេសក្នុងកិច្ចព្រមព្រៀង RCEP កើនឡើង ៥ ភាគរយ
យោងតាមទិន្នន័យពី ក្រសួងពាណិជ្ជកម្មកម្ពុជា បាននាំចេញទំនិញក្នុងតម្លៃជាង៥ពាន់លានដុល្លារ ក្នុងរយៈពេល១១ខែ ពោលគឺ កើនឡើង៥ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំទៅ បន្ទាប់ពីមានកិច្ចព្រមព្រៀងភាពជាដៃគូសេដ្ឋកិច្ច គ្រប់ជ្រុងជ្រោយក្នុងតំបន់ (RCEP ) ។
កម្ពុជាបាននាំចេញទៅកាន់វៀតណាម ចិន និងជប៉ុនជាមួយផលិតផលគិតជាទឹកប្រាក់ ១,៨៩៤លានដុល្លារ ១,១០៩ លានដុល្លារ និង១,០៦៩លានដុល្លាររៀងគ្នា ។ ចំណែកនាំចេញទៅអាស៊ានគិតជាទឹកប្រាក់ ២,៩២១ លានកើនឡើង ១០ ភាគរយ ។
ចំណែកទំហំពាណិជ្ជកម្មរបស់កម្ពុជានិងចិនរយៈពេល១១ខែ មានតម្លៃ ១០៥៧៩ លានដុល្លារកើនឡើង ៦.៨៥ % ក្នុងនោះកម្ពុជានាំចេញទៅចិនក្នុងតម្លៃជាង ១ពាន់លានដុល្លារ និងនាំចូលពីចិនមកវិញក្នុងតម្លៃជាង៩ពាន់លានដុល្លារ ។
កិច្ចព្រមព្រៀង RC E P មានសមាជិកចំនួនប្រទេស ១៥មានដូចជា ប្រ៊ុយណេ, កម្ពុជា, ឥណ្ឌូនេស៊ី , ឡាវ , ម៉ាឡេស៊ី ,មីយ៉ាន់ម៉ា ,ហ្វីលីពីន ,សិង្ហបុរី ថៃ ,វៀតណាម ,ចិន ,ជប៉ុន, កូរ៉េ ខាងត្បូង , អូស្ត្រាលី និង នូវែលសេឡង់ បានចូលជាធរមាន នៅថ្ងៃ ទី១ ខែមករា ឆ្នាំ ២០២២ ដំណាលគ្នានឹងការចូលជាធរមាននៃកិច្ចព្រមព្រៀងពាណិជ្ជកម្មសេរី កម្ពុជា - ចិន ។
លោក លឹម ហេង អនុប្រធានសភាពាណិជ្ជកម្មកម្ពជាមានប្រសាសន៍ថា កតិកា សញ្ញាពាណិជ្ជកម្មដ៏ធំបានផ្តល់ការជំរុញដ៏ធំ មួយដល់ការនាំចេញរបស់កម្ពុជា និងទាក់ទាញ វិនិយោគ មកកាន់កម្ពុជាក្នុងការចូលរួមអភិវឌ្ឍន៍សេដ្ឋកិច្ចជាតិ ។
លោក មានប្រសាសន៍ថា ៖ « បើទោះបីជា ក្នុងរយៈពេលកន្លងមកនេះ យើងនៅមានទំហំតូចនៅឡើយទេ ប៉ុន្តែសម្រាប់អនាគត កិច្ចព្រមព្រៀងសេរីទាំងពីរនេះ គឺជាផលប្រយោជន៍ដ៏មហាសាលសម្រាប់កម្ពុជាយើងក្រោយពេលដែលយើងអស់ប្រព័ន្ធអនុគ្រោះ ពន្ធ EBA របស់សហគមន៍ អឺរ៉ុប និង GSP របស់អាមេរិកគឺយើង នឹងរំពឹងលើកិច្ចព្រមព្រៀងសេរីពាណិជ្ជកម្មនានានេះ ហើយ ដែលជាឈ្នាន់ជំរុញកំណើនសេដ្ឋកិច្ចរបស់យើង » ។
កម្ពុជា រំពឹងទុកកំណើននាំចេញ រវាង ៩,៤ ភាគរយ និង១៨ ភាគរយ ដែលចូលរួមចំណែក អភិវឌ្ឍន៍សេដ្ឋកិច្ចជាតិរវាង២ភាគរយ និង ៣,៨ ភាគរយ ។ កិច្ចព្រមព្រៀងភាពជាដៃគូ សេដ្ឋកិច្ច គ្រប់ជ្រុងជ្រោយ ក្នុងតំបន់ (RC E P ) បាន បញ្ជូល G D P នៃទឹកប្រាក់ ២៦,២ ពាន់លាន ដុល្លារ តំណាងឱ្យប្រហែល ៣0 ភាគរយនៃផលិតផល ក្នុងស្រុកសរុបរបស់ពិភពលោក ២៨ ភាគរយ នៃពាណិជ្ជពិភពលោក និង ៣២,៥ ភាគរយ នៃការវិនិយោគសាកល ។
កិច្ចព្រមព្រៀង ភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) គឺជាយន្តការសំខាន់ក្នុងការធានាបាន ប្រព័ន្ឋពាណិជ្ជកម្ម សេរី ខណៈដែលលោកនាយករដ្ឋមន្រ្តី ហ៊ុន សែន ប្រកាសការបេជ្ញាចិត្តរបស់កម្ពុជាធ្វើជាម្ចាស់ផ្ទះ លេខាធិការដ្ឋាន RC E P នៅ រាជធានីភ្នំពេញក្នុងគោលបំណង ការគាំទ្រគ្នាទៅវិញទៅមកដើម្បីអនុវត្តយ៉ាងពេញលេញនូវ កិច្ចព្រមព្រៀង RCEP ដើម្បី ទទួលបានអត្ថប្រយោជន៍ជាអតិបរមា ៕
- Tags :
- សេដ្ឋកិច្ច