ក្រុមប្រឹក្សាអភិវឌ្ឍន៍កម្ពុជាបានសម្រេចចេញវិញ្ញាបនបត្រចុះបញ្ជីជាគម្រោងវិនិយោគជូនដល់ក្រុមហ៊ុនចំនួន 4 លើទឹកប្រាក់ជាង 10 លានដុល្លារ
ភ្នំពេញ÷តាមសំណើសុំវិនិយោគរបស់ក្រុមហ៊ុនគណៈ កម្មាធិការតំបន់សេដ្ឋកិច្ចពិសេសកម្ពុជានៃក្រុមប្រឹក្សាអភិវឌ្ឍន៍កម្ពុជាបានសម្រេចចេញវិញ្ញាបនបត្រចុះបញ្ជីជាគម្រោងវិនិយោគជូនដល់ក្រុមហ៊ុនដូចខាងក្រោម÷
1-"QUAN MING SHUN(CAMBODIA)NEW MATERIALS CO.,LTD"គម្រោងបង្កើតរោងចក្រផលិតក្តារប៉ាកេនិងក្តារបន្ទះដែលមានទីតាំងវិនិយោគស្ថិតនៅតំបន់សេដ្ឋកិច្ចពិសេសក្រុងព្រះសីហនុខេត្តព្រះសីហនុក្នុងទុនវិនិយោគប្រមាណ 6.6 លានដុល្លារអាមេរិកនិងអាចបង្កើតការងារបានចំនួនប្រមាណ 300 នាក់។
2-"CHUANGJU PLASTICS (CAMBODIA)CO.,LTD"គម្រោងបង្កើតរោងចក្រផលិតថង់ប្លាស្ទិកដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុខេត្តព្រះសីហនុក្នុងទុនវិនិយោគប្រមាណ 6.1 លានដុល្លារអាមេរិកនិងអាចបង្កើតការងារបានចំនួនប្រមាណ 300 នាក់។
3-"TB PACKAGING(CAMBODIA)CO.,LTD"គម្រោងបង្កើតរោងចក្រផលិតផលិតផលធ្វើពីក្រដាសដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុខេត្តព្រះសីហនុក្នុងទុនវិនិយោគចំនួន 2 លានដុល្លារអាមេរិកនិងអាចបង្កើតការងារបានចំនួនប្រមាណ 80 នាក់។
4/"VP PRINTING AND PACKAGING CO.,LTDគម្រោងបង្កើតរោងចក្របោះពុម្ពនិងផលិតផលិតផលវេចខ្ចប់ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញរាជធានីភ្នំពេញក្នុងទុនវិនិយោគប្រមាណ1,6 លានដុល្លារអាមេរិកនិងអាចបង្កើតការងារបានចំនួនប្រមាណ 60 នាក់៕
- Tags :
- សេដ្ឋកិច្ច