ឃាត់ខ្លួនជនសង្ស័យចំនួន០៤ មុខសញ្ញាពាក់ពន្ធ័ ករណីជួញដូរនិងប្រើប្រាស់ដោយខុសច្បាប់នូវសារធាតុញៀន នៅក្រុងបានលុង ខេត្តរតនគិរី

TVJLC
១៥ វិច្ឆិកា ២០២២

ភ្នំពេញ÷តាមប្រភពព័ត៌មានពីនគរបាលប្រឆាំងគ្រឿងញៀន ខេត្តរតនគិរីបានឲ្យដឹងអធិការដ្ឋាននគរបាលក្រុងបានលុងនៅវេលាម៉ោង១៧:៤០នាទី ថ្ងៃទី១២ ខែវិច្ឆិកា ឆ្នាំ២០២២ កម្លាំងអធិការដ្ឋាននគរបាលក្រុងបានលុង សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ឡាបានសៀក និងប៉ុស្តិ៍នគរបាលរដ្ឋបាលសង្កាត់បឹងកន្សែង បានធ្វើការឃាត់ខ្លួនជនសង្ស័យចំនួន០៤មុខសញ្ញាពាក់ពន្ធ័ ករណីជួញដូរនិងប្រើប្រាស់ដោយខុសច្បាប់នូវសារធាតុញៀន ស្ថិតនៅភូមិអូរកន្តិល សង្កាត់បឹងកន្សែង ក្រុងបានលុង ខេត្តរតនគិរី។

ដោយមានការសម្របសម្រួលនិតិវិធីពីលោក មុត សម្បត្តិ ព្រះរាជអាជ្ញារងអមសាលាដំបូងខេត្តរតនគិរី។

ជនសង្ស័យមានឈ្មោះដូចខាងក្រោម:

១.ឈ្មោះ អ៊ុក សុភាព ភេទប្រុស អាយុ២៧ឆ្នាំ ជនជាតិខ្មែរ មុខរបរជាងឈេី ទីលំនៅបច្ចុប្បន្នភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី

២.ឈ្មោះ វឺ តឹង តឹង .ហៅ (លុង តេវ)ភេទប្រុស អាយុ៣០ឆ្នាំ ជនជាតិវៀតណាម មុខរបរជាងឈេី ទីលំនៅបច្ចុប្បន្នភូមិអូរកន្តិល សង្កាត់បឹងកន្សែង ក្រុងបានលុង ខេត្តរតនគិរី

៣.ឈ្មោះ ទេន លុច ភេទប្រុស អាយុ២០ឆ្នាំ ជនជាតិគ្រឹង ទីលំនៅបច្ចុប្បន្នភូមិធួយអំពិល ឃុំចាអ៊ុង ស្រុកអូរជុំ ខេត្តរតនគិរី

៤.ឈ្មោះ នួន សាក់ ភេទប្រុស អាយុ១៨ឆ្នាំ ជនជាតិគ្រឹង ទីលំនៅបច្ចុប្បន្នភូមិធួយអំពិល ឃុំចាអ៊ុង ស្រុកអូរជុំ ខេត្តរតនគិរី។

វត្ថុតាងដកហូតរួមមាន:

១.មេ តំ ហ្វេ តា មីន អាយ ចំនួន០១ថង់ ទម្ងន់០.០៩ក្រាម

២.ម៉ូតូ ចំនួន០៣គ្រឿង

៣.ឧបករណ៍សម្រាប់សេពគ្រឿងញៀនមួយចំនួន។

បច្ចុប្បន្នជនសង្ស័យរួមទាំងវត្ថុតាងបានឃាត់និងរក្សារទុកនៅអធិការដ្ឋាននគរបាលក្រុងបានលុង ដេីម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការតាមនិតីវិធីច្បាប់។