ការនាំចេញទំនិញទៅកាន់ទីផ្សារអាមេរិកកើនឡើងជិត២០%ក្នុងរយ:ពេល១០ខែ
ភ្នំពេញ÷អគ្គនាយកដ្ឋានគយនិងរដ្ឋាករកម្ពុជាបានវាយតម្លៃចំពោះការនាំចេញនិងនាំចូលក្នុងរយ:ពេល១០ខែនៃឆ្នាំ២០២២នេះមានការកើនឡើងជិត២០%ដោយសហរដ្ឋអាមេរិកគឺជាទីផ្សារធំទី១។បន្ទាប់ពីសហរដ្ឋអាមេរិកមានប្រទេសវៀតណាមជាទីផ្សារធំទី២។
របាយការណ៍របស់អគ្គនាយកដ្ឋានគយនិងរដ្ឋាករបានឲ្យដឹងថាកម្ពុជានាំចេញទំនិញទៅក្រៅប្រទេសមានតម្លៃសរុប១៨,៧លានដុល្លារក្នុងរយ:ពេល១០ខែឆ្នាំ២០២២មានកំណើន១៩,២%ធៀបនឹងរយ:ពេលដូចគ្នាកាលពីឆ្នាំមុន។
ស្ថិតក្នុងបរិបទនៃជំងឺកូវីដ_១៩ស្ថានភាពនៃការនាំចេញរបស់កម្ពុជានៅតែបន្តកើនឡើង។យោងតាមទិន្នន័យដែលកត់ត្រាដោយអគ្គនាយកដ្ឋានគយនិងរដ្ឋាករកម្ពុជានៃក្រសួងសេដ្ឋកិច្ចនិងហិរញ្ញវត្ថុទីផ្សារអាមេរិកនៅតែជាទីផ្សារធំបំផុតរបស់កម្ពុជាមានតម្លៃសរុប៧,៦លានដុល្លារស្មើនឹងប្រមាណ៤០%នៃតម្លៃនាំចេញសរុប។
បន្ទាប់ពីសហរដ្ឋអាមេរិកគឺប្រទេសវៀតណាមជាទីផ្សារទី២នាំចូលទំនិញពីកម្ពុជាមានតម្លៃសរុប១,៦ពាន់លានដុល្លារ។ការផ្លាស់ប្តូរពាណិជ្ជកម្មកម្ពុជាជាមួយនឹងទីផ្សារអន្តរជាតិចាប់ពីខែមករាដល់ខែតុលាឆ្នាំ២០២២នេះមានទឹកប្រាក់សរុប៤៤,៥ពាន់លានដុល្លារមានកំណើន១៤,៩%ធៀបនឹងរយ:ពេលដូចគ្នាកាលពីឆ្នាំមុន៕
- Tags :
- សេដ្ឋកិច្ច
