រដ្ឋមន្រ្តី គន់ គីម អញ្ជើញទទួលអំណោយអាវពោងចំនួន១៥០០អាវ ពីសប្បុរសជនខ្មែរ នៅអាមេរិក ដឹកនាំដោយលោកព្រឹទ្ធាចារ្យ ម៉ក់ ហឺន ជាតំណាង
ទីស្នាក់ការកណ្តាលមាគមអតីតយុទ្ធជនកម្ពុជា នៅព្រឹកថ្ងៃទី២ ខែវិច្ឆិកា ឆ្នាំ២០២២ ឯកឧត្តមទេសរដ្ឋមន្រ្តី គន់ គីម អនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្តរាយ តំណាងដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្រ្តី បានអញ្ជើញទទួអំណោយអាវពោងចំនួន១៥០០អាវ ពីសប្បុរសជនខ្មែរនៅសហរដ្ឋអាមេរិក ដឹកនាំដោយលោកព្រឹទ្ធាចារ្យ ម៉ក់ ហឺន ជាតំណាង។
ក្នុងឱកាសនោះដែរ ឯកឧត្តម ទេស រដ្ឋមន្ត្រី បានសម្តែងនូវអំណរគុណយ៉ាងជ្រាលជ្រៅ និងសូមវាយតម្លៃខ្ពស់ចំពោះទឹកចិត្តសប្បុរសធម៌ និងស្មារតី ចែករំលែករបស់លោកព្រឹទ្ធាចារ្យ និងសប្បុរសជនខ្មែរនៅសហរដ្ឋអាមេរិក។
