កោះកុង៖បុរសម្នាក់ស្លាប់បាត់បង់ជីវិតភ្លាមៗ ដោយសារតែឈរបើកគោយន្ដថយក្រោយ មិនប្រយ័ត្នកៀបកនឹងមែកដើមចន្ទី
កោះកុង៖យោងតាមប្រភពព័ត៌មានពីស្នងការដ្ឋាននគរបាលខេត្តកោះកុងបានឲ្យដឹងថា បុរសម្នាក់ស្លាប់បាត់បង់ជីវិតភ្លាមៗ ដោយសារតែឈរបើកគោយន្ដថយក្រោយ មិនប្រយ័ត្នកៀបកនឹងមែកដើមចន្ទីករណីដ៏គួរឲ្យរន្ធត់នេះ បានកើតឡើងនៅថ្ងៃទី០១ ខែវិច្ឆិកា ឆ្នាំ២០២២ នាវេលាម៉ោង ១២៖០០ នាទីថ្ងៃត្រង់ ស្ថិតនៅភូមិស្រែត្រាវ ឃុំថ្មស ស្រុកបូទុមសាគរ ខេត្តកោះកុង ។ 
សពរងគ្រោះមានឈ្មោះ គួង គួក ភេទប្រុស អាយុ ១៩ឆ្នាំ មានទីលំនៅ ភូមិចម្លងគោ ឃុំថ្មស ស្រុកបូទុមសាគរ ។
តាមការបំភ្លឺរបស់សាច់ញាតិជនរងគ្រោះ បានឲ្យដឹងថា មុនពេលកើតហេតុជនរងគ្រោះ បានបើកបរគោយន្តយកមកទុកចោល នៅក្រោមដើមចន្ទី រួចមួយសន្ទុះក្រោយមក ឡេីងមកបើកបរថយក្រោយវិញ ខ្វះការប្រុងប្រយ័ត្ន ដោយឡេីងបើកឈរ ទេីបធ្វើឲ្យអោយដៃចង្កូតគោយន្ត គៀបកជាប់នឹងមែកចន្ទី បណ្ដាលអោយស្លាប់ភ្លាមៗនៅនឹងកន្លែងកើតហេតុ។
ក្រោយធ្វើកោសល្យវិច័យរួច សពបានប្រគល់ជូនក្រុមគ្រួសារ រៀបចំធ្វើបុណ្យតាមប្រពៃណីសាសនា។
