លោកជំទាវ ជ្រឹង បុទុមរង្សី៖ក្រសួងការបរទេសកូរ៉េថា អត្តសញ្ញាណរបស់ជនរងគ្រោះជាជនបរទេស អាជ្ញាធរបានកំណត់សម្គាល់រួចអស់ហើយ ក្នុងនោះ គ្មានជនជាតិខ្មែរ ដែលរងគ្រោះក្នុងឧប្បត្តិហេតុនៅតំបន់អ៊ីថេវ៉ុននោះទេ
ទីក្រុងសេអ៊ូល៖ បើយោងតាមគណនីហេ្វសប៊ុកផ្ទាលខ្លួនរបស់លោកជំទាវ ជ្រឹង បុទុមរង្សី ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ បានសរសេរសំនេរបង្ហោះនៅលើហេ្វសប៊ុកផ្ទាល់ខ្លួនរបស់លោកជំទាវថា គិតត្រឹមម៉ោង១២:០០ នៅថ្ងៃទី៣១ ខែតុលា ឆ្នាំ២០២២ នេះ យើងបានទទួលដំណឹងពីអាជ្ញាធរពាក់ព័ន្ធ ក៏ដូចជាក្រសួងការបរទេសកូរ៉េថា អត្តសញ្ញាណរបស់ជនរងគ្រោះដែលជាជនបរទេស អាជ្ញាធរបានកំណត់សម្គាល់រួចអស់ហើយ ដោយក្នុងនោះ មិនមានជនជាតិខ្មែរ ដែលរងគ្រោះនៅក្នុងឧប្បត្តិហេតុដែលកើតឡើងនៅតំបន់អ៉ីថេវ៉ុននោះទេ។ ដោយឡែក គិតមកដល់ត្រឹមម៉ោងនេះ ចំនួនប្រជាជនដែលរងគ្រោះទាំងអស់មានចំនួន៣០៣នាក់ ក្នុងនោះចំនួនអ្នកស្លាប់មាន១៥៤នាក់ (២៦នាក់ជាជនបរទេស) ចំនួនអ្នករងរបួសធ្ងន់ មាន៣៣នាក់ អ្នករបួសមធ្យមនិងស្រាល ១១៦នាក់ (បរទេស៩នាក់)។
កំណត់សម្គាល់៖ ជនបរទេសដែលបានស្លាប់ចំនួន២៦នាក់ មានដូចជា៖
- Iranian ៥នាក់
- Chinese ៤នាក់
- Russian ៤នាក់
- American ២នាក់
- Japanese ២នាក់
- France ១នាក់
-Australian ១នាក់
-Norwegian ១នាក់
-Asustrian ១នាក់
-Kazakhstan ១នាក់
-Uzbekistan ១នាក់
-Sri Lankan ១នាក់
-ចំនួនអ្នកស្លាប់ដែលមកពីបណ្តាប្រទេសអាស៊ានរួមមាន វៀតណាម១នាក់ និងថៃ១នាក់។
ពាក់ព័ន្ធនឹងហេតុការណ៍ខាងលើនេះ រដ្ឋាភិបាលកូរ៉េបានប្រកាសពីគម្រោងឧបត្ថម្ភ ជូនចំពោះគ្រួសារជនរងគ្រោះដែលបានបាត់បង់ជីវិត ដែលក្នុងមួយគ្រួសារទទួលបានប្រាក់ ១៥លានវ៉ុន (ប្រមាណជាង១ម៉ឺនដុល្លារអាមេរិក) ដើម្បីសម្រួលដល់ការធ្វើបុណ្យសព ក៏ដូចជាសំណងផ្លូវចិត្តដល់ក្រុមគ្រួសារនៃសពផងដែរ។
នាងខ្ញុំ ក្នុងនាមស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ និងជាប្រធានប្តូរវេនរបស់អាស៊ានប្រចាំសាធារណរដ្ឋកូរ៉េ បានរៀបចំចេញជាសាររំលែកទុក្ខដល់រដ្ឋាភិបាល និងប្រជាជនដែលរងគ្រោះក្នុងឧប្បត្តិហេតុដែលកើតឡើងនេះ។
