នគរបាលស្រុកសំឡូតបង្រ្កាបករណីគ្រឿងញៀនមួយករណីឃាត់ខ្លួនអ្នកប្រព្រឹត្តចំនួន០១នាក់អនុវត្តតាមច្បាប់៖
បាត់តំបង៖ យោងតាមប្រភពព័ត៌មានពីស្នងការនគរបាលខេត្តបាត់ដំបងបានឲ្យដឹងថា កាលពីថ្ងៃ ចន្ទ ទី១០ខែតុលាឆ្នាំ២០២២វេលាម៉ោ ង១៥និង៣០នាទី នៅចំណុច ភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ ម៉ែន រីម អធិការនគរបាលស្រុកសំឡូត ដឹកនាំកម្លាំងផ្នែកប្រឆាំងគ្រឿងញៀន និងកម្លាំងប៉ុស្ដិ៍នគរបាលរដ្ឋបាល កំពង់ល្ពៅ នៃអធិការដ្ឋាននគរបាលស្រុកសំឡូត ចុះប្រតិបត្តិការបង្រ្កាបបានករណី រក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្ដែង។
.jpeg)
ក្នុងកិច្ចប្រតិបត្តិការសមត្ថកិច្ចបានឃាត់ខ្លួនជនសង្ស័យបានចំនួន ០១នាក់ មានឈ្មោះ ម៉ន ផាន់នី ភេទប្រុស អាយុ៣០ ឆ្នាំ រស់នៅភូមិឆ្នាល់មាន់ ឃុំឆ្នាល់មាន់ ស្រុកកាស់ក្រឡ ខេត្តបាត់ដំបង។
-*វត្ថុតាងចាប់យករួមមាន៖
-ម្សៅក្រាមពណ៌សថ្លាច្រកក្នុងកូនថង់ប្លាស្ទិកពណ៌សថ្លា ចំនួន ០៦ថង់ ទម្ងន់ ៩.១៩ ក្រាម (ទាំងសំបក) សង្ស័យមានសារធាតុញៀន
-សម្ភារៈសម្រាប់ជក់ថ្នាំញៀនមួយចំនួន
-ថង់សម្រាប់រំលែកថ្នាំញៀនលក់ មួយចំនួន ។
បច្ចុប្បន្នជនសង្ស័យខាងលើសមត្ថកិច្ចកំពុងរៀបចំសំណុំរឿង បញ្ជូនមកការិយាល័យជំនាញនៃស្នងការដ្ឋាននគរបាលខេត្តបាត់ដំបងចាត់ការបន្តតាមនីតិវិធីច្បាប់៕
- Tags :
- សន្តិសុខសង្គម
