អធិការនគរបាលក្រុងពោធិ៍សាត់ចុះបង្រ្កាបល្បែងស៊ីសង(មាន់ជល់តាមអនឡាញ) នឹងឃាត់ខ្លួនមនុស្សបានចំនួន ០៨នាក់ នៅក្រុងពោធិ៍សាត់ ខេត្តពោធិ៍សាត់
ពោធិ៍សាត់៖យោងតាមប្រភពព័ត៌មានពីអធិការដ្ឋាននគរបាលក្រុងពោធិ៍សាត់បានឲ្យដឹងថាដោយអនុវត្តតាមបទបញ្ជាយ៉ាងម៉ឺងម៉ាត់ និងតាមមតិចង្អុលការដ៏ខ្ពង់ខ្ពស់របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ និងដោយមានការសម្របសម្រួលពី ឯកឧត្ដម កូយ កាន់យ៉ា ព្រះរាជអជ្ញានៃអយ្យការអមសាលាដំបូងខេត្តពោធិ៍សាត់។ ជាក់ស្ដែងនៅថ្ងៃទី១៩ ខែកញ្ញា ឆ្នាំ២០២២ វេលាម៉ោង១៣និង៣៥នាទីកម្លាំងអធិការដ្ឋាននគរបាលក្រុងពោធិ៍សាត់ដឹកនាំដោយលោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ បានចុះបង្រ្កាបល្បែងស៊ីសង(មាន់ជល់តាមអនឡាញ)នៅចំណុចកញ្ចុះទុកចោលស្ថិតនៅភូមិ ស្ថានីយ៍ សង្កាត់ស្វាយអាត់ ក្រុងពោធិ៍សាត់ ខេត្តពោធិ៍សាត់ ឃាត់ខ្លួនមនុស្សបានចំនួន ០៨នាក់ ប្រុស និងដកហូតវត្ថុតាងដូចខាងក្រោម ៖
+ វត្ថុតាងដកហូតបានរួមមាន ៖
- ទូរស័ព្ទដៃចំនួន ១៤គ្រឿង (មានវេបសាយមាន់ជល់ចំនួន ០៨គ្រឿង)
- រថយន្តចំនួន០១គ្រឿង
- ម៉ូតូចំនួន០៧គ្រឿង
បច្ចុប្បន្នឃាត់ខ្លួនមនុស្សទាំងអស់រួមនិងវត្ថុតាងនៅអធិការដ្ឋាននគរបាលក្រុងពោធិ៍សាត់ ដើម្បីចាត់ការតាមនិតិវិធី។
- Tags :
- សន្តិសុខសង្គម