ចោរ១នាក់ កំពុងឆ្កឹះសោរផ្ទះបម្រុងចូលលួចតែត្រូវម្ចាស់ផ្ទះមកទាន់ប្រគល់ឲ្យសមត្ថកិច្ច
តាកែវ៖កាលពីថ្ងៃទី២៣ ខែសីហា ឆ្នាំ២០២២ វេលាម៉ោង២០និង៣០នាទី មានករណី(ប៉ុនប៉ងអំពើលួច) មួយបានកើតឡើងនៅចំណុចផ្ទះរបស់ឈ្មោះ សៀក លឹមគៀង ភេទប្រុស អាយុ១៩ឆ្នាំ មុខរបរលក់ដូរ មានទីលំនៅភូមិថ្នល់បែក សង្កាត់រកាក្រៅ ក្រុងដូនកែវ បង្កឡើងដោយជនសង្ស័យឈ្មោះ ឌៀប ចេក ហៅអាម៉ៅ ភេទប្រុស អាយុ៣១ឆ្នាំ មុខរបរកម្មករសំណង់ មានទីលំនៅបច្ចុប្បន្នស្ថិតនៅភូមិស្ពឺ ឃុំអង្គខ្នុរ ស្រុកទ្រាំង ខេត្តតាកែវ បានធ្វើសកម្មភាពលួចបើករបងផ្ទះរបស់គេចូលទៅខាងក្នុងអំឡុងពេលដែលម្ចាស់ផ្ទះចេញទៅញុំាអីនៅខាងក្រៅនឹងបានឆ្កឹះសោរទ្វារ (ផ្នែកខាងមុខ) បណ្តាលឲ្យខូចខាត។ ខណៈពេលដែលជនសង្ស័យកំពុងធ្វើសកម្មភាពក៏ត្រូវម្ចាស់ផ្ទះមកទាន់រួចក៏បានរាយការណ៍ឲ្យសមត្ថកិច្ចដើម្បីធ្វើការឃាត់ខ្លួនយកមកធ្វើការសាកសួរ។ បច្ចុប្បន្នករណីនេះកម្លាំងជំនាញកំពុងធ្វើការកសាងសំណុំរឿងតាមនីតិវិធីច្បាប់៕
