អ្នកនាំពាក្យស្នងការដ្ឋាននគរបាលរាជធានីភ្នំពេញណែនាំដល់មន្ត្រីនគរបាលចរាចរ ចាប់ផាកពិន័យប្រជាពលរដ្ឋទៅតាមគោលដៅនានា
ភ្នំពេញ៖ អ្នកនាំពាក្យស្នងការដ្ឋាននគរបាលរាជធានីភ្នំពេញ លោក វរសេនីយ៍ឯក សាន សុខសីហា នៅថ្ងៃទី១៣ ខែសីហា
ឆ្នាំ២០២២បានណែនាំបន្ថែមដនគរបាលចរាចរណ៍ ដែលចាប់ផាកពិន័យប្រជាពលរដ្ឋនៅតាមគោលដៅនានា។
ជាក់ស្តែងយោងតាមរយៈសារសំឡេងរបស់លោកវរសេនីយ៍ឯកសានសុខសីហាបានថ្លែងណែនាំដល់មន្ត្រីនគរបាលចរាចរណ៍យ៉ាងដូច្នេះថា៖
*ទី១៖ករណីភ្លើងស្តុបបើសិនភ្លើងស្តុបពណ៌ក្រហមអ្នកបើកបរបត់ស្តាំក្នុងស្ថានភាពគ្មានគ្រោះថ្នាក់សូមកុំផាកពិន័យ
*ទី២៖ករណីភ្លើងលឿងនៅពេលអ្នកបើកបរជិះហួសគំនូសផ្លូវដើរទើបលោតភ្លើងលឿងក៏សូមកុំផាកពិន័យគឺត្រូវអប់រំណែនាំ
*ទី៣៖ចំណែកនគរបាលនៅតាមគោលដៅសម្រួលចរាចរណ៍សូមកុំឲ្យក្លាយទៅជាគោលដៅអនុវត្តន៍ច្បាប់ចរាចរណ៍។
សូមជម្រាបថាចំពោះការណែនាំបន្ថែមរបស់លោកអ្នកនាំពាក្យស្នងការដ្ឋាននគរបាលរាជធានីភ្នំពេញរូបនេះបានធ្វើឡើងបន្ទាប់ពីមន្ត្រីនគរបាលចរាចរណ៍នៅតែផាកពិន័យពលរដ្ឋខុសពីការណែនាំហើយក៏មានការប្តឹងពីប្រជាពលរដ្ឋទៅកាន់ស្នងការដ្ឋាននគរបាលរាជធានីភ្នំពេញផងដែរ៕
- Tags :
- ចរាចរណ៍