បង្ក្រាបករណីកាប់បំផ្លាញទ្រព្យសម្បត្តិអ្នកដទៃឃាត់ខ្លួនយុវជនមួយក្រុមនៅ សង្កាត់រតនះក្រុងបាត់ដំបង
បាត់ដំបង៖តាមប្រភពព័ត៌មានពីស្នងការនគរបាលខេត្តបាត់ដំបងបានឲ្យដឹងនៅថ្ងៃទី៩ខែសីហាឆ្នាំ២០២២នេះថា៖យុវជនមួយក្រុមត្រូវបានសមត្ថកិច្ចនគរបាលឃាត់ខ្លួន ករណីធ្វើសកម្មភាពកាប់បំផ្លាញទ្រព្យសម្បត្តិអ្នក ដទៃនៅសង្កាត់រតនះក្រុងបាត់ដំបងនៅក្រោយពេលដែលកើតហេតុជនរងគ្រោះបានប្តឹងមកសមត្ថកិច្ចនគរបាលនិងឆ្លងតាមរយះការស្រាវជ្រាវស៊ើបអង្កេត ក៏បានដឹកនាំកម្លាំងក្រុមអន្តរាគមន៍បង្ការ បង្ក្រាប ចុះប្រតិបត្តិការ បង្ក្រាបករណីធ្វេីអោយខូចខាតដោយចេតនា(កាប់និងគប់ម៉ូតូ )០១ករណីនិងបានធ្វេីការនាំខ្លួនជនសង្ស័យចំ នួន០១នាក់ឈ្មោះ គាវ គឹមហៃ ភេទប្រុស អាយុ២០ឆ្នាំមានទីលំ នៅភូនៅភូមិរំចេក៤សង្កាត់រតនះ ក្រុងបាត់ដំបង ខេត្តបាត់ដំបង មកកាន់ស្នងការដ្ឋានដេីម្បីធ្វេីការសាកសួរ ។ 
ក្រោយសមត្ថកិច្ចធ្វើការសាកសួររួចក៏ឈានដល់ ការនាំខ្លួនជនសង្ស័យ០៤នាក់ទៀត នៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំ បង នៅថ្ងៃខែឆ្នាំដដែលវេលាម៉ោង ១២និង៣០នាទីនោះគឺ៖
១-ឈ្មោះ ឡាយ ខិត ភេទប្រុស អាយុ ១៦ ឆ្នាំ មានទីលំនៅភូមិអូរដំបង ឃុំអូរ ដំបង២ ស្រុកសង្កែ ខេត្តបាត់ដំបង ។
២-ឈ្មោះ វង្ស វឌ្ឍវត្ថា ភេទប្រុស អា យុ ២០ ឆ្នាំ មានទីលំនៅភូមិវត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង ។
៣-ឈ្មោះ ទី មុន្នីដាវុធ ភេទប្រុស អា យុ ១៦ ឆ្នាំ មានទីលំនៅភូមិ ទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង ។
៤-ឈ្មោះ សយ វិស័យ ភេទប្រុស អា យុ ២០ ឆ្នាំ មានទីលំនៅភូមិបោះពោធិ៍ ឃុំអូរដំបង១ស្រុកសង្កែខេត្តបាត់ដំបង ។ 
បច្បច្ចុប្បន្នការិយាល័យជំនាញបានធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ច្បាប់៕
- Tags :
- សន្តិសុខសង្គម
