សមត្ថកិច្ចឃាត់ខ្លួនបុរសចំនួន១១នាក់ខណៈកំពុងបើកបរក្រោមឥទ្ធិពលនៃគ្រឿងញៀននិងបានរក្សាទុកដោយខុសច្បាប់នូវសារធាតុញៀន យកទៅអនុវត្តតាមច្បាប់នៅក្រុងបាត់ដំបង៖
បាត់ដំបង៖កាលពីយប់ថ្ងៃទី២៣ខែតុលាឆ្នាំ២០២៣វេលាម៉ោង២២និង០០នាទីនៅក្នុងភូមិសាស្រ្តភូមិព្រែកមហាទេព សង្កាត់ស្វាយប៉ោក្រុងបាត់ដំបង ខេត្តបាត់ដំបងអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន កម្លាំងការិយាល័យនគរបាល ប្រឆាំងគ្រឿងញៀនដែល មានលោកវរសេនីយ៍ទោ ប៉ាន ចាន់រិទ្ធ ជានាយការិយាល័យ បានចូលរួមសហការជាមួយកម្លាំងកងរាជអាវុធហត្ថ កម្លាំងការិយាល័យនគរបាលចរាចរណ៍ផ្លូវគោកដែលមានលោកវរសេនីយ៍ឯក ចាន់ សុធី ជានាយការិយាល័យកម្លាំងអធិការដ្ឋាននគរបាលក្រុងបាត់ដំបង ដែលមានលោកវរសេនីយ៍ឯក ពេជ្រ សារ៉ែន ជាអធិការ ក្នុងនោះមានលោក លាង វាសនា អភិបាលនៃគណៈអ ភិ បាលក្រុងបាត់ដំបង ក្រោមការដឹកនាំរបស់លោក លឹម សៀងហៃ ព្រះរាជអាជ្ញារង នៃអយ្យការអមសាលាដំបូងខេត្តបាត់ដំបងបានចុះត្រួតពិនិត្យតាមដងផ្លូវពេលយប់បង្ការទប់ស្កាត់បទល្មើសគ្រឿងញៀន ក្រុមក្មេងបង្កអនា ធិបតេយ្យ និង ស្វែងរកអ្នកបើកបរ ក្រោមឥទ្ធិពល នៃគ្រឿងញៀននៅមូលដ្ឋានខាងលើដោយមានរថយន្តចំនួន០១គ្រឿង មនុស្ស០២នាក់ស្រី០០នាក់និងម៉ូតូ១៥០គ្រឿងមនុស្សចំនួន១៧០នាក់ស្រី០០នាក់ បានធ្វើតេស្តស្វែងរកសារធាតុញៀនក្នុងទឹកនោមលើអ្នកបើកបរបានចំនួន ១២៩នាក់ស្រី០០នាក់ ក្នុងនោះសមត្ថកិច្ចបានរកឃើកអ្នកបើកបរក្រោមឥទ្ធិពលនៃគ្រឿងញៀនចំនួន ១០នាក់ ភេទប្រុសជាអ្នកបើកបរម៉ូតូ និង រកឃើញជនសង្ស័យរក្សាទុកដោយខុសច្បាប់នូវសារធាតុញៀនចំនួន ០១នាក់ ប្រុសនិងបានកសាងសំណុំរឿងតាមនីតិវិធីច្បាប់ ៕(រូបភាពផែនការងារនគរបាលគ្រឿងញៀន)