សមត្ថកិច្ចបន្តសហការចុះបង្រ្កាបបទល្មេីសនេសាទខុសច្បាប់ក្នុងភូមិសាស្ត្រខេត្តបាត់ដំបង
បាត់ដំបង៖ កាលពីថ្ងៃទី៩ខែកញ្ញាឆ្នាំ២០២៣ ដោយអនុវត្តតាមយោបល់ដឹកនាំជាប់ជាប្រចាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ឡុង យោធាវីរៈ អធិការនគរបាលស្រុកឯកភ្នំបានដឹកនាំកម្លាំងក្នុងអង្គភាពនិងកម្លាំងប៉ុស្តិ៍នគរបាលរដ្ឋបាលព្រៃចាស់ រួមសហការជាមួយកម្លាំងនគរបាលក្នុងផែនការងារប្រឆាំងបទល្មេីសសេដ្ឋកិច្ច ដែលមានលោកវរសេនីយ៍ឯក ភួង ច័ន្ទតារា ស្នងការរងដឹកនាំផែន និងលោកវរសេនីយ៍ឯក អ៉ិម កុសល ស្នងការរងដឹកនាំការិយាល័យនគរបាលប្រឆាំងបទល្មេីសសេដ្ឋកិច្ច
លោកវរសេនីយ៍ឯក យី យក់សាន ជានាយការិយាល័យនគរបាលប្រឆាំងបទល្មេីសសេដ្ឋកិច្ចដែលមានកម្លាំងនគរបាលប្រចាំការជាប់ជាប្រចាំនៅទីនោះរួមនឹងកម្លាំងកងយោធពលខេមរភូិន្ទនៃយោធភូមិភាគទី៥ប្រចាំទិសបានចុះបង្រ្កាបបទល្មើសនេសាទដោយខុសច្បាប់នារដូវបិទនេសាទនៅចំណុចបោកអណ្តើកនិងចំណុចអូរជ្រៅស្ថិតក្នុងភូមិព្រៃចាស់ឃុំព្រៃចាសស្រុកឯកភ្នំខេត្តបាត់ដំបង។
ជាលទ្ធផលសម្រេចបានមានដូចខាងក្រោមនេះគឺ៖
-កាប់បំផ្លាញចោលនូវសាច់មងប្រវែង៨០០ម៉ែត្រ -បង្គោលឈេីប្រេីប្រាស់ជាឧបករណ៍ល្មេីសចំនួន២៨០ដើម -ឡុកចាប់ត្រីចំនួន០៤ឡុក -ប្រលែងត្រីចូលទៅក្នុងបឹងធម្មជាតិវិញមួយចំនួន។ ចំពោះសំម្ភារះទាំងអស់នេះត្រូវដុតបំផ្លាញចោលនៅហ្នឹងកន្លែង រីឯអ្នកប្រព្រឹត្តិល្មេីសសមត្ថកិច្ចកំពុងស្វែងរកការកំណត់ មុខសញ្ញាដេីម្បីអនុវត្តបន្តតាមនីតិវិធី ច្បាប់៕ (រូបភាពផែនការងារប្រឆាំងបទល្មេីសសេដ្ឋកិច្ចនិងនគរបាលស្រុកឯកភ្នំ)By kosal!