កម្លាំងប្រឆាំងការជួញដូរមនុស្សឆ្លងដែន ចុះបង្ក្រាបករណីប៉ុនប៉ងនាំមនុស្សឆ្លងដែន យកទៅអោយគេរេីសធ្វេីប្រពន្ធនៅបរទេសដោយខុសច្បាប់
ភ្នំពេញ៖ តាមប្រភពព័ត៌មានពីនាយកដ្ឋានប្រឆាំងការជួញដូរមនុស្ស និងការពារអនីតិជន បានឱ្យដឹងថា នៅថ្ងៃទី១៦ ខែសីហា ឆ្នាំ២០២៣ វេលាម៉ោង ១៣៖៤០នាទី ដោយអនុវត្តតាមបញ្ជាលោកជំទាវ ឧត្តមសេនីយ៍ទោ សុឹម ផាណុំ ប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន លោកឧត្តមសេនីយ៍ត្រី កែវ ធា អនុប្រធាននាយកដ្ឋាន បានដឹកនាំកម្លាំងការិយាល័យប្រឆាំងការជួញដូរមនុស្សឆ្លងដែន បានចុះប្រតិបត្តិការបង្ក្រាប និងឃាត់ខ្លួនជនសង្ស័យ០២នាក់
និងអន្តរាគមន៍ជួយជនរងគ្រោះ០៤នាក់ សង្ស័យពាក់ព័ន្ធករណី ប៉ុនប៉ងនាំយកចេញដោយមិនស្របច្បាប់សម្រាប់នាំឆ្លងដែន (នាំជនរងគ្រោះទៅអោយគេរេីសធ្វេីប្រពន្ធនៅបរទេសដោយខុសច្បាប់) នៅចំណុចមុខវត្តនិរោធ សង្កាត់និរោធ ខណ្ឌច្បារអំពៅ រាជធានីភ្នំពេញ និងបញ្ជូនជនពាក់ព័ន្ធ មកនាយកដ្ឋាន ដេីម្បីធ្វេីការសាកសួរតាមនីតិវិធី។ បច្ចុប្បន្នជនសង្ស័យទាំង០២នាក់ត្រូវបានសមត្ថកិច្ចកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ដេីម្បីចាត់ការតាមនីតិវិធី។ ចំណែកជនរងគ្រោះ០៤នាក់ ប្រគល់ជូនក្រសួងសង្គមកិច្ច អតីតយុទ្ធជន និងយុវនីតិសម្បទា។