នគរបាលឃាត់ខ្លួនជនសង្ស័យប្រុសស្រី០៩ នាក់បញ្ជូនទៅតុលាការ ពាក់ពន្ធ័ករណីលួចម៉ូតូប្រជាពលរដ្ឋនៅក្រុងប៉ោយប៉ែត
បន្ទាយមានជ័យ: ជនសង្ស័យប្រុស-ស្រីចំនួន០៩នាក់ ត្រូវបានកម្លាំងនគរបាលនៃ អធិការដ្ឋាននគរបាលក្រុងប៉ោយប៉ែត បើកប្រតិបត្តិការស្រាវជ្រាវ និងបានឃាត់ខ្លួនជាបន្តបន្ទាប់ ពាក់ពន្ធ័ករណីលួចម៉ូតូប្រជាពលរដ្ឋ នៅក្នុងភូមិមិត្តភាព សង្កាត់/ក្រុងប៉ោយប៉ែត នៅថ្ងៃ២៩ ខែកក្កដា ឆ្នាំ២០២២នេះ ជនសង្ស័យទាំងនោះត្រូវបាន បញ្ជូនទៅការិយានគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបន្ទាយមានជ័យ ដើម្បីកសាងសំណុំរឿងចាត់ការតាមច្បាប់។
លោកវរសេនីយ៍ឯក សៅ សារឿន បានបន្តថា ដោយមានការចង្អុលបង្ហាញ និងការដឹកនាំបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និង លោកឧត្តមសេនីយ៍ត្រី នូ ជីវ័ន្ត ស្នងការរង ទទួលការងារព្រហ្មទ័ណ្ឌ លោកបានដឹកនាំកម្លាំងចុះស្រាវជ្រាវរហូតឃាត់បានជនសង្ស័យជាបន្តបន្ទាប់ចំនួន០៩នាក់ ក្នុងនោះ២នាក់ជានារី នៅក្នុងបន្ទប់ជួលមួយកន្លែង នៅម្តុំផ្លូវស្តង់តាងួន ក្នុងភូមិបាលិលេយ្យ២ និងដកហូតម៉ូតូ០១គ្រឿង ម៉ូតូម៉ាកហុងដាហ្សូម័រអ៊ិច ពណ៍ស-ទឹកក្រូច ស៊េរីឆ្នាំ២០១៧ ពាក់ស្លាកលេខភ្នំពេញ1GJ-1484 លេខតួ៥១០៩៥០០ លេខម៉ាស៊ីន ៣១០៩៥០០។
លោកវរសេនីយ៍ទោ ព្រហ្ម ប៊ុនធឿន នាយការិយាល័យនគរបាលព្រហ្មទ័ណ្ឌកម្រិតស្រាលបានឲ្យដឹងថា បច្ចុប្បន្នជនសង្ស័យទាំងតត្រូវបានសួរនាំ និងកសាងសំណុំរឿងបញ្ជូនទៅតុលាការចាត់ការបន្តតាមច្បាប់៕
- Tags :
- សង្គម
