ករណីអគ្គីភ័យឆេះសិប្បកម្មដេរពូកសាឡុង មួយកន្លែងស្ថិតនៅ ភូមិតាងៅក្រោម សង្កាត់និរោធ ខណ្ឌច្បារអំពៅ ភ្នំពេញ
ភ្នំពេញ៖នៅវេលាម៉ោង ១៦:៥០ នាទីល្ងាច ថ្ងៃព្រហស្បតិ៍ ទី១៣ ខែកក្កដា ឆ្នាំ២០២៣ មានករណីអគ្គីភ័យមួយកន្លែងបានកើតឡើងចំណុច សិប្បកម្មដេរពូកសាឡុង ដែលស្ថិតនៅ ភូមិតាងៅក្រោម សង្កាត់និរោធ ខណ្ឌច្បារអំពៅ រាជធានីភ្នំពេញ ម្ចាស់ទីតាំងឈ្មោះ សុខ ចន្ទី ភេទ ប្រុស អាយុ ៣៩ ឆ្នាំ ជនជាតិ វៀតណាម មុខរបរ ម្ចាស់សិប្បកម្ម ។
រីឯមូលហេតុនៃការឆេះ សមត្ថកិច្ចកំពុងបន្តការស្រាវជ្រាវ ។ ប្រភេទសំណង់: ទំហំ ១៥ម៉ែត្រ X ២០ម៉ែត្រ។ ចំពោះការខូចខាតសម្ភារៈ ឆេះឃ្លាំងសិប្បកម្មចំនួន ០១ ឃ្លាំង រួមមាន ម៉ាស៊ីនដេរនិងភុងចំនួន ០៥ គ្រឿង។ រថយន្ត ប៉ាចេរ៉ូ( PAJARO) ចំនួន ០១ គ្រឿង ម៉ូតូ ហុងដា អែរប្លេក (Honda AirBlack) ចំនួន ០១គ្រឿង នឹងឆេះរាលដាលដល់ផ្ទះឈើប្រក់ស័ង្កសីចំនួន ០១ ខ្នង អស់ទាំងស្រុង នឹងផ្ទះថ្មចំនួន ០១ ខ្នង (ខូចខាតប្រហែល១០%) ។ក្នុងហេតុការនេះ មិនបណ្តាលអោយស្លាប់មនុស្ស រឺអ្នករបួសមនុស្សគ្មាន ចំពោះករណីពន្លត់អគ្គិភ័យខាងលើនេះដែរ កងកម្លាំងបង្ការពន្លត់អគ្គីភ័យនិងសង្គ្រោះបានប្រេីប្រាស់រថយន្តការិយាល័យអគ្គិភ័យចំនួន ១៥ គ្រឿង ប្រេីប្រាស់ទឹកអស់ចំនួន ៣០ រថយន្ត ស្មើរនឹង ១២០ ម៉ែត្រគូប ។
+ រថយន្តជំនួយ: - រថយន្តរដ្ឋបាលខណ្ឌច្បារអំពៅចំនួន ០១ គ្រឿង ប្រើប្រាស់អស់ចំនួន ០២ រថយន្ត ស្មើនឹង ០៨ ម៉ែត្រគូប ។ - រថយន្តទីក្រុងកោះពេជ្រចំនួន ០៣ គ្រឿង ប្រើប្រាស់ទឹកអស់ចំនួន ០៣ រថយន្ត ស្មើនឹង ១២ ម៉ែត្រគូប ។ - រថយន្តទីក្រុងនរាចំនួន ០២ គ្រឿង ប្រើប្រាស់ទឹកអស់ចំនួន ០៤ រថយន្ត ស្មើនឹង ១៦ ម៉ែត្រគូប ។ - រថយន្តបុរីប៉េងហួតចំនួន ០៣ គ្រឿង ប្រើប្រាស់អស់ចំនួន ០៦ រថយន្ត ស្មើនឹង ៣៦ ម៉ែត្រគូប ។ - រថយន្តក្រុមហ៊ុនស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ស្មើនឹង ០៦ម៉ែត្រគូប ។ - ពន្លត់ចប់ : នៅវេលាម៉ោង ១៨:៥០ នាទីល្ងាច នាថ្ងៃខែឆ្នាំដដែល។
