ឃាត់ខ្លួនបុរសពីរនាក់ពាក់ព័ន្ធនិងករណីគ្រឿងញៀនខុសច្បាប់ និងអះអាងថាជាអ្នកសារព័ត៌មាន
កំពង់ស្ពឺ៖ បើយោងតាមប្រភពពីស្នងការស ដ្ឋាននគរបាលខេត្តកំពង់ស្ពឺបានអោយដឹងថា កាលពីនៅថ្ងៃសុក្រ ទី១៦ ខែមិថុនាឆ្នាំ២០២៣ វេលាម៉ោង២៣និង៣០នាទី កំលាំងអធិការដ្ឋាននគរបាលស្រុកសាមគ្គីមុនីជ័យ (អតីតស្រុកឧដុង្គ) ល្បាតនៅចំនុចផ្លូវលំខាងជេីងភូមិព្រៃទទឹង សង្កាត់វាលពង់ ក្រុងឧដុង្គម៉ែជ័យ បានឃើញមុខសញ្ញាសង្ស័យចំនួន ០២នាក់(អះអាងថា ជាអ្នកសារព័ត៌មាន)
១.ឈ្មោះ សួន ឧត្តម ភេទប្រុស អាយុ២៤ឆ្នាំ រស់នៅភូមិស្រែកណ្តោល ឃុំម្កាក់ ស្រុកអង្គស្នួល ខេត្តកណ្តាល
២.ឈ្មោះ សុខ កាន់ (វ៉េ) ភេទប្រុសអាយុ៣៨ឆ្នាំភូមិត្រពាំងស្មាច់ ឃុំម្កាក់ ស្រុកអង្គស្នួល ខេត្តកណ្តាល ប្រភពដដែលបានអោយដឹងថា ដោយមានព័ត៌មានពីមូលដ្ឋាន និងការកំណត់មុខសញ្ញាសង្ស័យកំលាំងឈានទៅឃាត់ឆែកឆេររកឃើញ ម្សៅក្រាមពណ៍សសង្ស័យថាជាគ្រឿងញៀនចំនួន០១កញ្ចប់មធ្យម ក្នុងនោះសមត្ថកិច្ចបានដកហូតសម្ភារៈរួមមាន -វិទ្យុទាក់ទង (អាយកូម) ចំនួន០២ គ្រឿង -ឧបករណ៍ឆក់ (ពិលឆក់)ចំនួន ០២ គ្រឿង -កាត់សម្គាល់ខ្លួនអ្នកសារពត៍មានចំនួន០១សន្លឹក -ម៉ូតូ០១គ្រឿង ម៉ាក C125 ពណ៍ខ្មៅ ពាក់ផ្លាក់លេខ ភ្នំពេញ 1KE 4698 ។ ករណីខាងលើសមត្ថកិច្ចបានបញ្ជូនជនសង្ស័យរួមជាមួយវត្ថុតាង មកស្នងការដ្ឋាននគរបាលខេត្ដកំពង់ស្ពឺដេីម្បីចាត់ការតាមនិតិវិធី៕