នគរបាលស្រុករតនមណ្ឌលបង្រ្កាបករណីដាំដុះដោយខុសច្បាប់ដេីមកញ្ឆាស្រស់ចំនួន១.២០០ដេីមនៅស្រុករតនមណ្ឌល ខេត្តបាត់ដំបង
វខេត្តបាត់ដំបង៖ កាលពីថ្ងៃ ទី៥ខែមេសា ឆ្នាំ២០២៣វេលាម៉ោង១៣និង០០នាទី នៅចំណុចភូមិ បួររុន ឃុំត្រែង ស្រុករតនមណ្ឌល ខេត្តបាត់ដំបង អនុត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងយោបល់លោកវរសេនីយ៍ឯក សុខ និមលស្នងការរងផែនការងារប្រឆាំងគ្រឿងញៀន លោកវរសេនីយ៍ឯក សន និល អធិការនគរបាលស្រុកតនមណ្ឌល បានដឹកនាំកម្លាំងផ្នែកប្រឆាំងគ្រឿងញៀនរួមជាមួយ កម្លាំងផ្នែកព្រហ្មទណ្ឌ និង កម្លាំងនគរបាលប៉ុស្តិ៍ រដ្ឋបាលត្រែង បានចុះប្រតិបត្តិការបង្ក្រាបករណីដាំដុះដោយខុសច្បាប់នូវបរុក្ខជាតិញៀនដេីម(កញ្ឆា)ស្រស់ចំនួន០១ករណីក្នុងបទល្មើសជាក់ស្ដែង។ ក្នុងកិច្ចប្រតិបត្តិការសមត្ថកិច្ចបាននាំខ្លួនជនសង្ស័យចំនួន០១នាក់ឈ្មោះ ឯម សីហា ភេទប្រុស អាយុ ២៥ ឆ្នាំ រស់នៅភូមិបួររុន ឃុំត្រែង ស្រុករតនមណ្ឌល ខេត្តបាត់ដំបង(ជាអ្នកយាមចម្ការ)។ -*វត្ថុតាងចាប់យកបានរួមមាន៖ -ដើមកញ្ឆាស្រស់ ចំនួន ១.២០០ដើម(មួយពាន់ពីររយដេីម)។
នៅពេលដែលធ្វេីការបង្រ្កាបនិងកាប់បំផ្លាញរួចសមត្ថកិច្ចនគរបាលស្រុកបានបញ្ជូនករណីនេះមកផែនជំនាញដែលមានលោករសេនីយ៍ឯកសុខ និ មល ជាស្នងការរងទទួលផែនធ្វេីការ ស្រាវជ្រាវបន្តចំពោះការដាំដេីមកញ្ឆាដ៏ច្រេីនសន្ធឹកបែបនេះ៕ រូបភាព៖នគរបាលស្រុករតនមណ្ឌល