ឆេះរថយន្ដនៅកំណាត់ផ្លូវជាតិលេខ៥១ ចន្លោះគីឡូម៉ែត្រ(២៥-២៦) ត្រង់ចំណុចភូមិស្តុកស្លាត ឃុំភ្នំតូច ស្រុកឧដុង្គ ចំថៃ្ងសែនចិន-វៀតណាម
កំពង់ស្ពឺ៖ មានករណីឆេះរថយន្ត ១គ្រឿង នៅថ្ងៃទី២១ ខែមករា ឆ្នាំ២០២៣ កាលពីវេលាម៉ោង ១២:៣០នាទី នៅលើកំណាត់ផ្លូវជាតិលេខ៥១(២៥-២៦) ត្រង់ចំណុចភូមិស្តុកស្លាត ឃុំភ្នំតូច ស្រុកឧដុង្គ ខេត្តកំពង់ស្ពឺ។ រថយន្តនេះពាក់ស្លាកលេខ ភ្នំពេញ 3C-4921 អ្នកបើកបរឈ្មោះ សាន់ មុះ ភេទប្រុស អាយុ ៣៥ឆ្នាំ រស់នៅភូមិស្មោង ឃុំស្មោង ស្រុកទ្រាំង ខេត្តតាកែវ។
យោងតាមរបាយការណ៍របស់ ស្នងការនគរបាលខេត្តកំពង់ស្ពឺ បានឱ្យដឹងថា រថយន្តនេះបើកបរក្នុងទិសដៅពីជើងទៅត្បូង លុះមកដល់ចំណុចខាងលើរថយន្តនោះបានផ្ទុះកង់ក្រោយផ្នែកខាងឆ្វេង បណ្ដាលឱ្យអូសប៉ះនឹងកៅស៊ូថ្នល់ជាតិកើតជាអណ្ដាតភ្លើងឆាបឆេះតែម្ដង។
ក្រោយពីទទួលបានពត៌មានខាងលើ កម្លាំងនគរបាលបានចេញអន្ដរាគមន៍ភ្លាមៗ ជួយសង្រ្គោះទាន់ពេលវេលា ដោយពន្លត់ភ្លើងបានទាំងស្រុង ប្រើទឹកចំនួន ១រថយន្ត ជារថយន្តពន្លត់អគ្គិភ័យរបស់អធិការស្រុកឧដុង្គ៕
- Tags :
- អគ្គិភ័យ